今日又係11:15起身~ 本來諗住搭12:10車嫁...但係落到去...岩岩開左車...都係要搭返12:25...~ 好彩又係唔塞車姐...仲有時間去銀行攪d野...~ 返到公司仲有時間食飯~ =) 今朝佢地話好忙~ 不過我返工之後好左好多喇~ 算係咁啦~ 又係無manager既一日~! yeah! 勁free~! 到5點幾6點果陣係靜...無乜電話~ 夜晚得返我同Grace兩個人既時間仲靜~ what a peacful night~!XD 不過我放工之前做錯野...~ 其實個客打出黎果陣講左好多野...咁我多數都會repeat返佢要d乜咁啦...因為佢3件事都係唔同department既...所以我要搵返唔同既人講...~ 明明我已經repeat左俾個客聽佢既request...但係竟然出錯?! ...由於個客今朝已經對我地hotel有不滿...再攪埋咁既野...佢都已經唔係幾好脾氣...>< 唉...收工前5分鐘先攪d咁既野...無奈~ 12點放工~ daddy又有接我放工~! 一出門口就的士~! 呵呵~!! 返到家...快快沖個涼...今晚要快快去訓...聽日返9am喇...-0-"

P.S. 開左msn差唔多半日...哈哈~ 開心的~! XD

11:20am起左身喇...訓唔到...被嘈醒...-0-" 好啦...諗住今日禮拜六, 會塞車, 咪早d出去囉...點知出門口之前肚痛...攪到搭唔到12:10pm果班車...都係搭返12:25...~ 好彩今日唔塞車...出到灣仔都只係12:45~ 跟住買完雜誌就返公司~ 早d返去去canteen食個飯~ =) 媽媽平時1點半先落canteen食飯嫁, 但係今日佢少有咁1:10pm落黎~ 所以可以見到佢同佢食飯lu~ =) 我返1點半~ 今日都ok既其實~ 係到5點幾6點開始有時都幾忙下...又好多煩野...~ 一係要搵manager...一係要搵醫生...跟住d客又唔識開電視...又話廁所有事...又話唔見野咁...真係傻左喇~ 但係今晚靜d既時候都可以上下網, 睇下雜誌~ 呵呵~!! 12點放工喇...今日daddy開的士~ 所以接我放工~! 12:25am已經返到家lu~! 呵呵呵~!! =) 不過返到家...唉...又被激親...~ 最唔鍾意d人"呢呢啡啡"...d野周圍擺周圍丟...!! 哼!

P.S. 我在想...我憑d乜野可以令到你對我咁好...? 我憑d乜野擁有你...? 自卑起黎...覺得襯唔起你...~ 謝謝你的愛~ 謝謝你對我的好~ =)

今日我訓到12點左右起身...~ 睇"下一站．幸福"...仲有睇返幾集"美麗高解像"~ 1點幾, 嗌左吉野家返家食...之後我繼續睇我既劇...~ 到7點幾, 同阮生出去香港仔轉小巴去mk~ 去到mk...陪佢搵完佢個fd之後我o係Langham Place搵Flora~! 多謝佢份聖誕禮物呀~! =) 我都無預備到禮物...攪到我唔好意思...-0-" 跟住同阮生過左去太子搵佢d fd...打完機去食飯, 係返返去mk打邊爐~ 其實本來今晚係同阮生兩個人去食一壽司嫁...點知當我地8點幾上去諗住搵佢識既人留位既時候...搵極都搵唔到...所以...無得食啦...要排隊就貴事啦...咁咪同佢d fd去食野囉...~ 一行16人...去左寧記打邊爐...~ 好恐怖...所有野一次過倒哂落個鍋...係碟碟都係咁...! 某部份既人仲可以由頭食到尾..."尾"係指我地大部份既人都放棄, 諗住走既時候...真係勁...-0-" 可能我地嗌左好多野飲...所以都成$160一個人~ -0-" 之後我搭車返家lu~ 眼訓了...~

P.S. 我對阮生呢兩日既舉動...有時激氣, 有時感動...係攪到我唔知應唔應該嬲佢嬲落去好...~ 尋晚就對佢真係黑哂面...嘈哂...但係我走果陣佢既一句...無啦啦溫柔既一句話...我有d嬲佢唔落既感覺...~ 跟住今朝...5點半左右佢黎我度...佢係醉左...但係佢知同我講緊乜...佢係醉到行唔定...企唔定...我見到佢咁真係好想勁話佢鬧佢...佢係咪傻嫁?! 但係佢黎之前...打俾我果陣仲問我食唔食麥記早餐...~ 試問一個醉到行都行唔到既人...佢仲可以對你好好咁話買早餐你食(最後我唔食啦...5點幾咁早...)...又點嬲得落...? ...唉~ 唔知呀...!

8:15am起身...今日d時間計得好盡...搭9:25車...岩岩好10點返到做野果度~ XD 10點半之後, 得返我同manager...忙到嘔...爆多電話...call waiting有時有7個...痴線嫁...~ 跟住今日成兩點先去食飯~ canteen有聖誕餐~ 炸魚柳, 火雞, 豬頸肉, 忌廉蘑菇湯, 煙肉炒椰菜, 西蘭花, 麵包布甸...=) 晏晝d電話好多d嫁喇...到夜晚算靜~ XD 8點半放工...~ 過左tst搵阮先生...陪佢行新港買野同去埋美麗華...~ 我地成晚都嘈...真係俾我估中左...我死都要搵佢, 結果就係嘈交~ 係嘈到我想粒聲唔出就咁走左去, 嘈到我想喊...我好憫...! 11點未夠就去搭地鐵返家喇我~ 好早返到家呢今日~ =)

P.S. Merry Christmas to all of you~! =)